Sá um daginn myndina American Splendor.
Meiriháttar mynd. Mæli hiklaust með henni.

Var að vísu hálf beygður yfir því hvernig mínu yndislega starfi "skjalavörður" var líst í myndinni. Lítið annað en nördar sem gegndu starfinu

En eftir að hafa leitað í nærri 3 tíma að gömlum rykugum pappírum löngu horfinna hreppstjóra og FUNDIÐ ÞÁ. Getað síðan sent þá rígmontinn áleiðis til Óbyggðnefndar þar sem þeir munu hugsanlega verða úrslita atriði í yfirstandandi dómsmálum vegna Þjóðlenda.

Já þá líður mér bara býsna vel

Jæja þá er smá pása í tilverunni.  Þarf reyndar að fara að skúra eina ferðina enn,  karlmenn ættu að sjá meira um þrif,  ef þeir gerðu og hefðu gert það í gegn um tíðina,  væri örugglega búið að finna upp eitthvað fullkomið tæki sem kæmi í veg fyrir að drulla festist út um allt og út um öll gólf!!!!!!

Annars er skítarigning hérna í Reykjavíkinni haustið komið og ég nálgast fertugsaldurinn óðfluga,  þarf að fara að kaupa mér ný blúndunærföt, svo mér finnist ég vera ung flott og sexy.!!!

Nú er verið að mála yfrir monsterið á mál og menningu,  sem ég hef haft fyrir ásjónu minni alla daga í vinnunni,  þetta kallar á veislu!!!!!!!(ég á við kallinn með brjóstarhaldarann sem er á bakhlið hússins,  fyrir þá sem ekki vita.)

Var annars næstum því búin að fá bíl aftanaá mig þegar ég hætti snögglega við að keyra yfir á rauðu ljósi.  Gellan spilaði sig líka kúl en án efa vorum við báðar með hjartað í pilsunum.

Klippti Braga í gær í baði.  Rauk til klukkan 21:00 með drenginn alveg,  "ekki kliffa,  ekki kliffa.........."  en fyrsta kafla er lokið.  Snyrtum þetta síðar.  Hann  er náttúrulega alltaf jafn sætur.

Eiríkur Steinn sofnaði þvílíkt sæll inní eldrauðu Mansteftir júnætæt,  var meira að segja sofnaður þegar ég kom frá því að leita af honum Klóa með Braga.  Hvað var nú aftur það sem sagt var um þennan rauða lit (á hann ekki að vera svo örfanid???)"  spyr mig að því hver meiningin með þessum rauða lit hafi verðið hjá henni mömmsu???

jæja nóg af bulli

Sit í vinnunni og vorkenni sjálfum mér.

Með kvef, hálsbólgu og hitavellu líkt og Hjörtur Freyr sem ég rak með harðri hendi í skólann
Jæja þetta verður fljótlega yfirstaðið.

Mamma ku vera í starfsviðtali í dag Vonandi gengur kellu sem best - krossleggjum putta fyrir hana.

Nú er annar dagur í mömmulausum degi Varmagerðis familíunnar. Já þetta er aumt. Engin mamma til að hugga okkur sjúklingana og elda eitthvað holltmeti ofan í okkur. Ætli það verði ekki bara hamborgarar, pulsur, kínarúllur og spagetti út vikuna. Jibbí

Fréttir úr sólinni! Einmitt, það er sko sól hér í Hollandinu og 27 gráður, mér finnst náttúrulega rosa leitt að segja ykkur frá þessu en þið getið huggað ykkur við það að ég sit INNI og puða yfir styrkumsóknum og öðrum nauðsynjum sem þarf að ljúka fyrir 1. september. Er að reyna að biðja um 16 milljónir til þess að gera einhverjar gáfulegar rannsóknir ... Var ég búinn að segja ykkur að ég var á Lesbos í Grikklandi um helgina ? kom á staðinn á föstudagskvöld og flaug tilbaka á sunnudagsmorgunn. Ég vil ekkert vera að segja frá hvað það var yndislegt að spóka sig í sólinni aðeins við sjóinn og borða hvílíkt æðislegan grískan mat en þið getið aftur huggað ykkur við það að ég eyddi tímanum að mestu inni að ræða hvernig við eigum að leysa vandamál lífsins á vísindalegan hátt. Hundleiðinlegt alveg DÚÍ! eins og hollendingarnir segja það Eiki

Ég stóðst bara ekki mátið.

"Hellisheiði séð niður á veg" heitir þessi tengill: www.vegagerdin.is/vefur2.nsf/pages/fu_umf_myndir_hellisheidi_2.html

Ahhh. Yndislegt að geta virt fyrir sér malbikið

Jæja þá er ammælinu lokið með ís í leikskólann,  Það var mikið hamingjusamur þreittur gutti sem sofnaði í nýju nærfötunum, nýju inniskónum með bionicol á góðum stað og mikil plön um nýju fínu rúmfötin,  sem við þurftum stærri kodda fyrir.( þreitan náði yfirhöndinni.)  Það varð að klára að gera alla kalla og maður mátti ekki vera að því að fara að pissa frekar en venjulega.  Helst átti svo að fara að leika með allt drallið í morgun,  en menn sættu sig við að fara í leikskólann og grobba sig af nýju nærfötunum og inniskónum og svo öllu fínirýinu sem hafði fengist.

Annars byrjaði frúin á að læsa sig og synina úti í morgun og bóndinn að fara norður á akureyri og verður þar í nótt.

Þetta reddast að sjáf sögðu þannig að ég var nú ekki að stressa mig yfir því

Heil og sæl.

Bætti við nokkrum hlekkjum á ættingjana. Ættlaus er vonlaus maður. Eins gott að geta fylgst með þessu liði...

Jæja vorum annars í afmælisveislu í gær.
Eiríkur Steinn átti afmæli eins og alþjóð veit. Annars var aðalatrið veislunnar eltingaleikur húsfreyjunnar við geitungana sem dirfðust að koma óboðnir í mat. Þvílíkir dónar og boðflennur. O svei.

Jæja þá erum við heim komin eftir vel heppnaða hátíð

Það skyggði ofurlítið á að Hjörtur Freyr fékk hita og varð að fara heim með smá flensupest.

Á móti kom að pabbinn, mamman og systirin unnu öll til verðlauna í Mini-golfi

Afinn keppti meira að segja í spurningakeppni og vann til veglegra SPRON verðlauna ásamt liði sínu. Tapliðsmenn voru hins vegar verulega ósáttir með að skíttapa og kenndu dómgæslu, spurningum og stigagjöf um allt saman

Í ljós kom að ein spurningin sem ég samdi reyndist kolröng. Hvað eru margir aðilar í Skálholtssókn sem hafa verið í sveitarstjórn - mitt svar var 5 (Palli Skúla, Guðmundur á Iðu, Skúli afi, Laila í Heiðmörk og Þorfinnur á Spóastöðum). Einfalt og flott ekki satt. Þurfti þá ekki pabbi að segja mér að hann hefði setið í heilt ár í sveitastjórn sem varamaður í stað Höllu á Vatnsleysu og til að bæta gráu ofan á svart þá mundi Heiða þá eftir því að hún hafði setið nokkra fundi einnig þegar hún leysti af sem varamaður...
Ekki nóg með að klúðra spurningunni ... heldur voru það mínir nánustu sem ég vissi ekki um

Jæja fólks.

Þá er ég orðinn of seinn á hátíðina en datt svona í hug að kasta á ykkur kveðju áður en ég færi.

Mikið af svínslegum spurningum tilbúnar

Hér byrjaði haustið fyrir 4 vikum þegar aspirnar urðu heiðgular. Nú eru allir bílar orðnir mismikið brúnir því ryðsveppurinn myndar brúnt ryðlag á þeim öllum og það fraus í fyrri nótt.

Já þá byrjar gamanið og við sjáumst (amk. sum okkar) í afmælinu á morgun.

Es. GP - nú verðurðu króaður af út í horni og spurður spjörunum úr,.

Jæja, þetta gegnur ekki lengur.

Best að leggja frá sér vinnuna og baráttuna fyrir brauðinu og fara að huga að félagslífinu.

Tók að mér að semja spurningar fyrir spurningakeppni á Þorpshátíðinni.

Verð að vanda mig og hafa þær nógu svínslegar...

Var að frétta að júníor væri byrjaður í skóla. Meira að segja búinn að fara í sinn fyrsta skóladag. Mega fréttir. Til hamingju. Bíðum spennt eftir meiri fréttum.

Nú er sko gósentíð hér í Laugarási.

Allt að fyllast af nýjum húsum og ég veit ekki hvað. Þar sem ég geri fastlega ráð fyrir að flæði upplýsinga sé einstaklega tregt ákvað ég að bulla aðeins um framkvæmdirnar.

Hólmfríður og Baldvin hafa sem sagt selt húsið sitt en byggja sér nýtt hús í útjaðri lóðarinnar. Kaupandinn er enginn annar en Hreinn Loftsson stjórnarformaður Baugs. Þá er Erlingur Hjaltason (frændi okkar m.m.) farinn að hefja byggingu á húsi milli Goggahúss og Lofts og Gunnu. Jebb það var þá pláss fyrir húsið eftir allt saman þarna á milli þeirra sem fyrir var.
Í Austurbyggðinni eru miklar framkvæmdir. Það er verið að leggja veg í framhaldi af veginum sem liggur til Renötu/Gunnlaugs og Hjalta Geirs. Vegspottinn mun tengjast inn á Sigurðarstaði (Sigurðar fyrrum landlæknis) og síðan ætla afkomendur hans að reisa sér nokkur sumarhús þar. Hinum megin við Hjalta Geir hefur sami aðili keypt 2 lóðir og er að byggja sér 2 hús. Ætlar að nýta sér annað þeirra sjálfur en selja hitt. Flott að geta valið sér nágranna Þessi ku heita Ingimundur og vera fyrrum Eimskipsforstjóri.
Svo nú er ljóst að víglínurnar eru að skýrast. Kolkrabbinn (HG og I) byggja Austurbyggðina á meðan Baugsveldið (HL) byggir Vesturbyggðina. Spennandi tímar framundan.

Það ku líka vera miklar framkvæmdir í Hveragerði. Helmingurinn af garðyrkjubýlunum hefur verið seldur til niðurrifs og síðan á að byggja blokkaríbúðir. Hansi frændi náði að selja fyrir gott verð og yfirgefur sína jörð 2007 að mig minnir. Gott hjá honum.

Heil og sæl.

Þorpshátíðin er að byrja enn eitt árið. Verður með örlítið breyttu sniði þetta árið. Læt hér með flakka auglýsinguna sem við sendum út í gær.

Nú er komið að hinni árlegu

Þorpshátíð

 

Að þessu sinni verður hátíðin haldin í Slakka í skjóli fyrir veðri og vindum. Í tilefni hátíðarinnar býður Helgi okkur mat og aðgang að leiktækjum dýragarðsins á sérstöku tilboðsverði. Fullorðnir kr. 1500 og börn kr. 1000. Þeir sem mæta að loknum mat greiða kr. 500 fyrir aðgang að tækjum.

 

Kl. 18:00  Mæting í Slakka í hlaðborð. Krökkum býðst ókeypis Kjörís.

 

Kl. 20:00 Formleg dagskrá hefst. Karaókí, spurningakeppni og golfkeppnir.

 

Kl. 23:00 Dagskrá lýkur.

 

Munum að þetta er fjölskylduhátíð og því mæta börn í fylgd foreldra sinna eða annarra ábyrgðarmanna.

Síðast en ekki síst þá eru gestir beðnir um að láta brottflutta þorpsbúa, vini og aðra velunnara vita af hátíðinni.

Heil og sæl.

Set hér með áskorun FÍB á síðuna ef þið skylduð ekki hafa séð þetta. Geri annars ráð fyrir að mamma hafi dælt þessu á ykkur

http://www.fib.is/Askorun.php

Vell fólks,  Þá er Huldan komin með ný gleruaugu,  júbbíiiii

Mikið rosalega er þetta nú fínt maður,  allir þurfa að venjast manni enda strikin manns farin,  en mikið rosalega finnst mér þetta fínt